06-16-2008, 04:11 AM
|
رقم المشاركة : 1 |
 معلومات
العضو | | | |  قصة حقيقية حصلت في مستشفى راشد (دبي) ..
في يوم الاثنين
الموافق 7-1-1986
الساعه 7:15 الفجر
المكان
مستشفى راشد في دبي
طلعت الممرضه من غرفة الولاده و شافت علي جالس على الكرسي
ويدعي ربه ان الولاده تتم على خير
جات الممرضه قدامه
الممرضه : "..sir.. mabrook .. you got aboy .."
( مبروك جاك ولد)
علي من الفرحه شوي و بيطير من مكانه
اخيرا ربي رزقني بالولد
الحمد لله و الشكر
شاف علي ولده و استانس و فرح و سماه محمد
في الغرفه
علي : " الحمد لله على السلامه يا ام محمد"
ام محمد : "الله يسلمك .. اخيرا تحقق الحلم ويا محمد "
>
وتموا يرسمون عن احلامهم في المستقبل
محمد من يوم هو صغير
كان يجنن والممرضات متخبلات عليه
اليوم الثاني
الصبح الساعه 9
دخلت الممرضه تنظف الحجره
محمد كان في السرير بجنب امه
والام شبه راقده
الطفل مثل ما كل الاطفال وهم صغار
توه راضع وقام يرجع
الممرضه يوم رجع
شلته و حطت بطنه على ايدها و قامت تخبطه على ضهره
ام محمد فزت من النوم و فتنت عليها و شالت الولد
ما مرت دقيقتين الا محمد يرجع مره ثانيه
بس هالمره يرجع لون وردي مش طبيعي
قالت ام محمد للدكتور شيلو عنها محمد و راحوا
وبعد اشوي جاها الدكتور و قال لها تطمني
بس قلب الام
ام محمد على طول اتصلت في علي وقالت له تعال المستشفى
علي كان رايح العين
لانه يداوم هناك
و كان على اساس ان ام حرمته بتسير تجلس عندها
قالت له ام محمد
الحين تجي
رجع علي باسرع ما يمكن
من وصل المستشفى خبرته ام محمد بالسالفه
سار يدور الولد
ما لقاه في الحضانه
طلب الدكتور و يوم جاء قال له وين ولدي
الدكتور : " ابنك موجود ..ماتخاف.. مافي اي حاجه "
ابو محمد رد الحجره وجلس ويا حرمته
بعد اشوي دخلت ممرضه تصيح
هالممرضه كانت الوحيده المسلمه في هالقسم
علي: " .. خير شو فيك ؟؟"
الممرضه : " بابا... مال انته بجا واجد تعبان... ممكن موت .. كلش دم يجي من هلج مال هو .."
ام محمد من سمعة هالخبر اضلمت الدنيا في عينها
ابومحمد سار عند الدكتور و قبضه من رقبته
وقال له الحين ابغى اشوف ولدي و لا تراني باقتلك
وبعد باو محمد عرف السالفه كلها
و الصدمه
محمد عنده نزيف داخلي--- ثقب في الحجاب الحاجز للقلب
علي : " ... دكتور .. ولدي بيموت وانتو مخبين علي.. شو ممكن نسويله الحين.."
الدكتور : " الصراحه ما اعرف شو اقول لك... نحنا ممكن نسويله عمليه نلحم فيها الحجاب الحاجز.. بس نسبة النجاخ فيها 3% "
علي :" لا حول ولا قوة الا بالله العلي العظيم .. حسبي الله و نعم الوكيل "
مرت الايام
و علي مو عارف ايش يسوي
شهر مر و محمد عايش على الاجهزه
ابو علي قال له خلنا نسفره برا
بس المشكله ان حالته ما تسمح بالسفر
الدكتور طلب يقابل علي
علي :" دكتور طلبتني ..."
الدكتور : " اي نعم ... يا علي حالة ولدك صعبه و نسبة نجاح العمليه تكاد تكون معدومه .... شو رايك تتبرع بولدك لخدمة الانسانيه و نحن عندنا خبير الاماني يبغى يجرب علاج جديد للقلب.. فشو رايك تتبرع لنا بولدك"
( على ذمتي ان كل كلمه من هالحوار صحيحه)
علي شو وكان بيقتل الدكتور
بس الدكاتره الباقين قبظوه
اليوم الثاني سائت حالت محمد
الساعه 2 في الليل اتصلوا المستشفى و قالوا ان النزيف اشتد و لازم تتسوى العمليه خلال 6 ساعات ولا الولد بيموت
بو محمد جالس على نار
اتصل به ابوه و قال له لا تسوي العمليه
بنحجز طياره طبيه خاصه و بنوديه برا يتعالج
علي قاله لا
انا بستخير و بشوف
ابو محمد استخار ربه و قرر يسوي العمليه
الساعه 6:15 الصبح محمد داخل غرفت العمليات
و امه جالسه عند الباب تصيح و تذكر ربها
الساعه 7 ..... مافي خبر
الساعه 8 ... مافي خبر
الساعه 9 ... طلع الدكتور و قال الحمد لله لحمنا الحجاب الحاجز و القلب بعده يدق بس باقي نسكر مكان العمليه
ام محمد الله سجدت لربها شكر في الممر و تمت تصيح
رجع الدكتور غرفت العمليات
الساعه 12:30 طلع و وجهه كله عرق
و نظراته حزينه
قال حق بومحمد : " للاسف اخ علي ... من بعد ما سكرنا الجرح و قف القلب..."
بو محمد : " لاحول ولا قوة الا بالله .. اللهم اجرني في مصيبتي و اخلفلي خيرا منها..انا لله وانا اليه راجعون "
الدكتور تعجب من ردت فعل علي و توقع انه يصيح و يولول
ام محمد : " لا حول ولا قوة الا بالله.. بس لا ... ولدي ما مات.. انا متأكده "
الدكتور : " انا اقول لك قلبه و قف تقوليلي ما مات "
ام محمد : " انت ما تعرف شي.. انا في داخلي شعور يقوللي و لدك حي .. و انا مؤمنه بربي و متأكده انه ما بيخذلني"
ما لحقت ام محمد تخلص كلامها الا الممرضه طالعه تصارخ
"his heart is beating again... i cant believe it"
( ما اقدر اصدق ... قلب الولد رجع يدق)
الدكتور ما عرف شو يقول
تم يطالع ام محمد اللي كانت متغطيه
و يقول في خاطره : " من وين لها كل هالقوه و الصبر"
( بعد بتعرفون كيف عرفت اللي في خاطره )
رجع الدكتور غرفة العمليات
و تم فيها 3 ساعات
قلب محمد يدق و عقب يرجه يوقف
بعد ما خلصت العمليه و استقر قلب محمد
نقلوه غرفة العنايه المركزه
ذحين عمر محمد شهر و نص
بعد 3 ايام فتح محمد عينه
طبعا من بعد العمليه كان ممنوع احد يدخل عنده
حتى امه
يوم فتح محمد عينه فرحت امه
وفكتت شنطتها و ما خلت فيها شي
فلوس و ذهب
كل شي وزعته
و تمت تشكر ربها على ان ولدها فتح عينه من اول و يديد
بس الفرحه ما تكتمل
اليوم الثاني جاها الخبر
و الله محمد عنده تسمم بكتيري في الدم
بسب تلوث شي من المعدات اللي استخدمت في العمليه
بس تمت صامده
وكان محمد كل يوم يغيروله دم 3 مرات
ذبل و شحب
و امه صابره
بعد 3 اسابيع شفي من المرض
وبعد ما طلعوه من العنايه المركزه
ام محمد جالسه في الحجره تطالعه و تقرا عليه
و تطالع آثار العمليه اللي في بطنه
دخل الدكتور الماني
جلس الدكتور وقال حق ام محمد ممكن اكلمك في موضوع خارج شغلي
ام محمد تمت ساكته
قال لها : " انا ابغى اعرف انتي شو اللي كان مثبتكي و مخليكي تصبرين كل هالمده "
ام محمد : " و هي ماسكه المصحف في ايدها .. ربي و هذا.. وانا كنت واثقه ان ربي ما بيخذلني و قرتله الآيه اللي تقول : "وقال ربكم ادعوني استجب لك " و قالتله ان اللي يتوكل على الله خلاص ما يهمه شي"
الدكتور ما علق و طلع من الحجره
اول ما وصل علي يا الدكتور وقال له ابغى اسألك في شي خصوصي شوي
علي طلع معاه الممر و قال له تفضل
الدكتور : " ممكن اعرف ليش حرمتك جايه متغطيه ..؟
بو محمد : " انا بقوللك ليش ... نحن عدنا الحرمه مثل الجوهره الثمينه .. لازم نغطيها و نحفضها من عيون الناس و تكون حق صاحبها و بس "
الدكتور : " والله ان هذا هو اكران الحرمه ... بو عبدالله انا قررت شي .. و ابغى اقولك اياه"
بو محمد : "قول"
الدكتور : " أشهد ان لا اله الا الله و ان محمد رسول الله "
بو محمد : " الله اكبر .. الله اكبر"
و اسلم الدكتور من ورا قصة عبدالله و امه
هذه قصة حقيقيه
محمد الحين عمره 22 سنه
وهوطالب في جامعة الامارات
يدرس في كلية الاداره
منقـــــــــــول بعد التعديلات لان كانت فيه كلمات مو مفهومه
rwm prdrdm pwgj td lsjatn vha] (]fd) >> pjn pwgj prdrdm vha] tn
|
| |  |
المواضيع المتشابهه 
رد: قصة حقيقية حصلت في مستشفى راشد (دبي) .. 
العرض العادي
